Нью-Йорк хотын Манхэттэн дүүргийн 5th Avenue гудамжинд байрлалтай Apple компанийн дэлгүүрт удахгүй буюу Баасан гаригт зарагдаж эхлэх iPhone-д очерлосон 100 орчим хүн өдөр хоног тоолон гадаа нь унтаж, тэр хавиар амьдарч байна. "iDay" буюу iPhone худалдаанд гарах өдөр тус бүтээгдэхүүний хамгийн анхны худалдан авагчид болох тул нойр холоо хасан байж гадаа унтан өдрийг өнгөрүүлж буй тэд бас л сонирхолтой хүмүүс. Зарим нь майхан засаад дотор нь унтаж байгаа бол зарим нэг нь шууд л сонин дэвсээд унтаж байна. Хамтдаа тоглоом тоглож, өдрийг бас ч гэж зугаатай өнгөрүүлнэ. Шинэ гар утас худалдаанд гарах мөч ойртох тусам тэд догдолж байгаагаа илэрхийлж байлаа.
Тэднийг Apple-ийн дэлгүүрийн худалдагчид ч харж үзэн савтай цэвэр ус зөөж өгч байлаа. Дэлгүүрийн гадаа буй хүмүүсийн хараад хажуугаар өнгөрч буй машинтай залуусын зарим нь "iPhone, yeah!" хэмээн орилж тэдэнд урам өгч байв. Ямартай ч тэдний хүсэн хүлээж буй бүтээгдэхүүн нь үнэхээр сайн болоод л төрөл бүрийн ажил эрхэлдэг (хувийн бизнес эрхлэгч, блоггер, технологийн гүрү) эдгээр хүмүүс нь цаг зав, нойр хоолоо хасан байж анхны 
худалдан авагчид болохоор тэмцэлдэж байна.
No comments:
Post a Comment